song by Ewan Mccoll - in tribute to glasgow Spanish civil wa

[peaccenicked]

Jamie Foyers
(Trad / Ewan MacColl)
Far distant, far distant, lies Foyers the brave
Nae tombstone memorial tae hallow his grave
His banes lie scattered on the rude soil of Spain
And young Jamie Foyers in battle was slain

He's gone frae the shipyard that stands on the Clyde
His hammer is silent, his tools laid aside
Tae the wide Ebro river young Foyers has gane
To fight by the side o' the people of Spain

There wasnae his equal at work or at play
He was strang in the Union till his dyin' day
He was grand at the fitba', in the dance he was braw
Oh young Jamie Foyers, the flooer o' them a'

He came hame frae the shipyard, took aff his workin' claes
Oh weel I remember, 'twas the lang summer days
He said, Fare thee weel lass, I'll come back again
But young Jamie Foyers in battle was slain

In the fight for Belchite he was aye tae the fore
And he fought at Gandesa till he couldnae fecht more
He lay o'er his machine-gun wi' a bullet in his brain
And young Jamie Foyers in battle was slain

(as sung by Iain MacKintosh)